Bjórmenningin
Ert að lesa núna
„Bjór sem eykur kynhvötina“ – BB.is
0

„Bjór sem eykur kynhvötina“ – BB.is

eftir Valberg Márseptember 15, 2010

Við rákumst á þessa mjög svo skemmtilega frétt á www.bb.is, um bjór sem eykur kyngetu og eða á að geta það í það minnsta. Hér fyrir neðan er greinin í heild sinni, ef þið viljið frekar lesa greinina inn á BB.is, þá er það hægt hér.

Bjór sem eykur kynhvötina

Kominn er á markað bjór sem eykur kynhvöt karlmanna svo um munar. Framleiðandi bjórsins segir hann mun áhrifaríkari en stinningarlyfið Viagra. Bjórinn var uppgötvaður fyrir helbera tilviljun þegar bruggtæki verksmiðjunnar biluðu. Bjórinn kemur á markað í Evrópu innan skamms, en umbúðirnar skarta léttklæddri stúlku. Bruggarinn, Jürgen Hopf, segist hafa uppgötvað uppskriftina að bjórnum fyrir tilviljun þegar bruggtækin biluðu. „Það var hringt í mig og ég beðinn um að laga tækin. Þetta var um miðja nótt og ég bý rétt hjá þannig að ég skaust þangað íklæddur litlum sloppi og inniskóm. Ég kom ekki vélinni í gang þannig að ég tók prik og byrjaði að hræra í tanknum. Mér leið allt í einu einkennilega og vissi strax að þessi bjór væri allt öðruvísi en allir aðrir.“

Prufa fór á markað og viðbrögðin létu ekki á sér standa. „Þegar bjórinn fór í sölu sögðu allir sem drukku hann að áhrifin kæmu strax í ljós. Allir sem ég spurði sögðu að þeir höfðu ekki horft á sjónvarp alla vikuna. Þeir fóru rakleiðis í svefnherbergið og máttu engan tíma missa.“

Hopf segist vera kominn með tvo viðskiptavini í Bretlandi en býst við að þeir verði orðnir mun fleiri innan skamms. „Þegar þeir vita hvaða áhrif bjórinn hefur verðum við stærri en nokkru sinni.“

Bjór sem eykur kynhvötina – BB.is

Hver eru viðbrögðin þín?
Æðislegt
0%
Áhugavert
0%
Meh...
0%
HA?
0%
Hata þetta
0%
Sorglegt
0%
Um höfund
Valberg Már
Alltaf fundist bjór einstaklega góður og til að svara spurningum um bjórinn, þá ákvað ég að stofna Bjórpsjall og fræða mig um bjórinn ásamt því að skrifa um bjór og bjórmenninguna, vonandi öðrum til fróleiks og skemmtunar.

Segðu okkur hvað þér finnst

*

This site uses Akismet to reduce spam. Learn how your comment data is processed.