The Annual Icelandic Beer Festival 2019

0
115

Nú nálgast stærsti bjórmenningarviðburður ársins, eða The Annual Icelandic Beer Festival 2019! Það er óhætt að segja að spennan er hreint út að gera út af við mann, búinn að leigja íbúð í Reykjavík í göngufæri við hátíðina því ekkert má framhjá mér fara þetta árið. Seinasta ár var algert klúður þar sem veðrið lék sér ekki vel við okkur og missti ég af einum degi ásamt smá auka harmleik sem fylgdi á seinasta deginum sem við förum ekkert nánar út í hér… ehem. En í ár skal ég ásamt félögum mínum svala bjórnördanum… svona fram að hátíðini á hólum… og kannski The Brothers Brewery Street Food and Beer festival… og… em já, skulum segja, þetta ár munum við nota til að fagna 30 ára afmæli bjórs á Íslandi!

Það stefnir allt í æðislega hátíð þetta árið, enda eru komin nú þegar hátt upp í 30 brugghús nú þegar samkvæmt áræðanlegum heimildum, en, hér fyrir neðan er uppröðun á þeim brugghúsum sem búið er að tilkynna af skipuleggjendum hátíðarinnar og svo nokkur sem við fengum að birta aukalega og verður birt formlega á næstuni. Þó hátt í 30 brugghús séu á dagskránni og það sé nú þegar fyrna nóg, þá grunar mig að þeir séu engan veginn hættir ef marka má seinasta ár, þá verður án efa nokkuð mikil breyting á þessum lista þar sem hátt í 50 brugghús komu á hátíðina í fyrra.

Nú gæti ég haldið áfram að reyfa um ágæti hátíðarinnar og talað fólk í dá um hversu æðisleg brugghúsin eru og hversu mikið mig langar að kíkja á þau og/eða smakka bjórana (sem verður reyndar gert á hátíðini), rifjað upp góð kynni við ýmsa bjóra og s.frv en ég held að flest viti hvað um er að ræða og hversu stórfengleg þessi hátíð er. Þess í stað, þá hef ég sett hlekki á brugghúsin hér að ofan fyrir þau sem langar að fræða sig nánar um brugghúsin og langar mig að tjá mig um hvers vegna það er mikilvægt að við tökum þátt í þeirri flottu bjórmenningu sem hefur orðið til síðastliðin 30 ár hér á íslandi.

Það er vægast sagt óhætt að segja að bjórmenningin á íslandi sé komin langt á veg á þeim 30 árum sem bjór hefur verið leyfður á Íslandi og vill ég meina að það sé að miklu leiti að þakka Bruggsmiðjuni sem opnaði 2006 (og jú, ferðamanna straumurinn hefur án efa aðstoðað vel við uppbygginguna) og braut þar með blað í sögu örbrugghúsa á íslandi og ruddi veginn fyrir fjölda annara brugghúsa sem eru sum ekki til í dag, en þau eru merkilega fá miðað við alla flóruna sem virðist hafa sprottið upp á einni nóttu. Það liðu svo önnur 4 ár þar til fyrsta bjórhátíðin á íslandi kom til sögunar og hefur bjórhátíðum og bjórmenningar viðburðum fjölgað uppfrá því. Þetta er gífurlega mikilvægt þar sem að, með betri bjórmenningu, þá er betur farið með áfengi að ég vill meina. Með handverks brugghúsunum kemur fágaðri menning, í stað þess að drekka 10 bjóra, þá er látið sér nægja 2 bjóra ef svo má segja, mjög flotta og vel gerða bjóra. Það þykir sannað að, fólk sem drekkur handverks bjóra er tilbúið að borga aðeins meira fyrir bjórinn og eins og áður sagði, lætur sér færri bjóra nægja og nýtur þeirra í botn, skapar betri menningu frekar en ómenningu. Þetta er einmitt það sem við hér á Bjórspjall höfum verið að reyna að koma á framfæri að, með bætri bjórmenningu, þá sjáum við bætta neyslu og s.frv. Það er því mikilvægt að við höldum áfram að styðja örbrugghúsin, tökum þátt í bjórmenningar viðburðum eins og The Annual Icelandic Beer Festival, því er ekkert að vanbúnaði en að versla sér miða á hátíðina og halda áfram að bæta bjórmenninguna á íslandi!

Umfjallanir

Umfjöllun